GM geçenki oturumynda: GTT’den we onuň hyzmatyndaky organ işgärlerinden nähili ýagdaýda goranmalydygy hakynda meselä seredilip geçildi.
GM gün tertibi: GTT’niň we onuň agzalarynyň kanun we hukuk sypatynda alan kararlaryny hökümsiz diýip kabul etmek.
“Özüni döwlet işgäri diýip tanadýan adamlar GTT’niň agzalarydyr” – sözleminiň esasynda aşakdaky 2 sorag ele alyndy:
- “Olaryň, ýagny terroristleriň, hukuk-daşy kanun çykaryp karar almalary esasynda heläk bolan ýurtdaşlaryň ykballary nähili bolmaly?”.
- “Terroristleriň çykaran hukuk-daşy kanunlaryna we kararlaryna hähili garamaly?”
Bu soraglara mejlis azgalary öz düşünjelerini aýtdylar:
- “Terroristleriň alan kararlary we çykaran kanunlarynyň resmiligi ýokdyr”.
- “Häkimiýeti kanunsyz eýelän terroristleriň kanunlary güýçsüz hasap edilmeli”.
- “GTT’yň öz bähbitine alan kararlary jogapgärçilige çekilmelidir”.
- “Kremliň maksatlary üçin döredilen GTT, halk bähbitli hiç hili karar almady”.
- “Hukuk döwleti bolmadyk ýurtda kanunlar we kararlar hökümsizdir”.
Şu pikirleriň üstünden Türkmenistanda GTT’niň alan hukuk-daşy kararlarynyň we çykaran kanunlarynyň hökümsizligi aýdyldy we ses berişlige gidildi.
Ses berişlige gatnaşan 31 agzadan:
Goldan 28;
Garşy çykan o;
Saklanan 3.
“GTT’niň hukuk-daşy kararlary we kanunlary hökümsiz” – diýip, karar alyndy.
Mejlisiň dowamynda ýene bir mesele orta goýuldy:
“GTT’niň hökümsiz kararlary sebäpli tussaghanalara basylan adamlary boşadyp, emläk ýitgileriniň öwezini dolmaklygy”.
Bu mesele barada hem düşünjeler aýdyldy:
- “Tussag edilenleriň aglabasy töhmet zerarly gabalanlardyr”.
- “GTT öz bähbidine garşy çykyp biljek yurduň aýdyňlaryny, hünärmenlerini, erkin garaýyşly adamlaryny tussaghanalarda çüýredýär”.
Mejlisiň soňunda, tussaghanalar baradaky meseläni giňişleýin diňlemäge almak üçin mejlisiň nobatdaky oturumynda dowam etmäge goýuldy.
Taryhy: 27. 04. 2022